Bydd Grwp Gwastraff Rhanbarthol Gogledd Cymru'n cyhoeddi CGRh diwygiedig ym mis Mawrth 2007. Yn ganolog i'r broses hon bydd casglu a dadansoddi gwybodaeth / data yn ymwneud â'r sefyllfa wastraff o fewn y rhanbarth a gweithredu'r CGRh.

Mae gofyn i bob un o'r tri rhanbarth yng Nghymru baratoi a chyhoeddi Adroddiad Monitro Blynyddol ym mhob blwyddyn o'r contract. Mae gwybodaeth ar y sefyllfa wastraff yn y rhanbarth yn ofynnol er mwyn monitro swm y gwastraff sy'n codi, adfer a gwaredu gwastraff y rhanbarth. Rhaid cyflawni'r her o gynllunio ar gyfer rheoli gwastraff a chyfleusterau adfer adnoddau gyda sail wybodaeth gadarn. Felly, mae'n bwysig cael gwybodaeth gynhwysfawr, gywir, amserol a chyson. Gellir crynhoi cynnwys yr Adroddiadau Monitro Blynyddol fel hyn:

• datganiad o amcanion a chwmpas yr adroddiad, yr egwyddorion arweiniol a'r ffactorau sy'n gyrru newid;
• asesiad o:
• sefyllfa gyfredol swm y gwastraff sy'n codi (graddfeydd cyfaint, cyfansoddiad, ailgylchu a thyfiant);
• lleoliad a gallu cyfleusterau rheoli gwastraff presennol ac arfaethedig gan gynnwys nodi unrhyw fylchau data ac awgrymiadau i wella casglu data, gyda data penodol ar ffrydiau gwastraff sy'n flaenoriaeth gan gynnwys gwastraff peryglus, WEEE, teiars a gwastraff amaethyddol;
• asesiad o'r goblygiadau ar gyfer adolygiad o ddatblygu'r dewis o opsiynau ar gyfer rheoli gwastraff yn y dyfodol yn y rhanbarth a'r ymgynghori a gyflawnwyd o ran yr opsiynau hyn yn arwain at argymell yr opsiwn ddewisedig;
• asesiad o'r goblygiadau defnydd tir ar gyfer blaengynllunio pob awdurdod fel bod modd addasu'r dyraniad arfaethedig ar gyfer gallu rheoli gwastraff y dyfodol ar gyfer pob math o wastraff i bob awdurdod cynllunio lleol; a
• datganiad ar ddatblygu polisïau cynllunio defnydd tir mewn cynlluniau datblygu sy'n cael eu paratoi yn y rhanbarth i weithredu a chwrdd â gofynion y Cynllun Gwastraff Rhanbarthol i ddarparu'n ddigonol ar gyfer yr isadeiledd angenrheidiol i weithredu targedau Strategaeth Wastraff Cymru.

Os hoffech lawrlwytho'r ffeil canlynol, bydd angen Acrobat Reader fersiwn 6.0 arnoch. Cliciwch ar ddelwedd Acrobat Reader i'w lawrlwytho am ddim.

Annual Monitoring Report ( April 2005)

Annual Monitoring report (April 2006)

Annual Monitoring report (April 2007)