Mae'r wefan hon yn ymwneud yn benodol â phroses Cynllunio Gwastraff Rhanbarthol Gogledd Cymru. Am fanylion rhanbarth y De-ddwyrain neu'r rhanbarth De-orllewinol ewch i 'Cartref – Cymru' os gwelwch yn dda.
Beth rydym yn ei wneud?
Yn 2004 mabwysiadwyd Cynllun Gwastraff Rhanbarthol Gogledd Cymru. Mae'r ddogfen hon yn rhoi fframwaith cynllunio defnydd tir ar gyfer y rhanbarth ar gyfer gwastraff, ond nid yw gwastraff yn ddiwydiant sy'n aros yn llonydd ac mae angen arolygu'r Cynllun i adlewyrchu anghenion newidiol y rhanbarth. Rydym ar hyn o bryd yn cynhyrchu Arolwg Cyntaf Cynllun Gwastraff Rhanbarthol Gogledd Cymru.
Pam rydym yn gwneud hyn?
- Mae safleoedd tirlenwi yn yr ardal yn llenwi
- Mae safleoedd tirlenwi yn anghynaladwy
- Mae deddfwriaeth Ewropeaidd a chenedlaethol yn golygu bod angen i ni newid sut rydym yn trin ein gwastraff – neu wynebu dirwyon anferth
- Rydym yn gwastraffu adnoddau posibl!
|
|
Mae polisi a chanllawiau cenedlaethol yn defnyddio hierarchaeth gwastraff, lle mae'r prif bwyslais ar hybu lleihau, ail-ddefnyddio ac adennill gwastraff a symud i ffwrdd oddi wrth waredu gwastraff trwy dirlenwi.
Mae egwyddorion agosrwydd a hunangynhalioldeb hefyd yn amcanion allweddol Llywodraeth Cynulliad Cymru, sy'n pennu y dylid trin neu waredu gwastraff mor agos ag y bo modd at y ffynhonnell ag y bo modd.
Beth yw'r Polisi?
Mae gwastraff wedi dod yn fater o bwysigrwydd mawr ac mae'r amcanion a'r targedau penodol a bennir mewn Cyfarwyddiadau Ewropeaidd megis Cyfarwyddyd Fframwaith ar Wastraff a'r Cyfarwyddyd Tirlenwi yn gofyn am newidiadau radical yn y dulliau o reoli gwastraff.
I gyflwyno'r newidiadau sydd eu hangen yng Nghymru i gydymffurfio gydag amcanion a thargedau Deddfwriaeth Ewrop, mae Llywodraeth Cynulliad Cymru wedi cynhyrchu Yn Gall gyda Gwastraff: Strategaeth Wastraff Genedlaethol Cymru a Pholisi Cynllunio Cymru Nodyn Cyngor Technegol: 21 Gwastraff (TAN21). Mae Yn Gall gyda Gwastraff yn nodi targedau penodol ar gyfer Cymru ar ddulliau rheoli gwastraff ac mae TAN21 yn rhoi cyngor ar sut y dylai system cynllunio defnydd tir gyfrannu tuag at reoli adnoddau'n gynaliadwy.
Pwy yw'r Grŵp Gwastraff Rhanbarthol?
Cyflwynodd TAN21 yr angen am gydgysylltiad rhanbarthol a arweiniodd at lunio'r tri Grŵp Gwastraff Rhanbarthol. Cyngor Sir Ddinbych yw'r Awdurdod Cydlynu, gan reoli a gweinyddu cynhyrchu Cynllun Gwastraff Rhanbarthol Gogledd Cymru a'r Arolwg Cyntaf. Fe'u cefnogir gan 2 grŵp penodol:
Sut medraf roddi adborth?
Mae ffurflen adborth ar gael os cliciwch ar Ymgynghori. Rydym yn croesawu sylwadau cyffredinol mewn perthynas â chynnwys y wefan hon ynghyd ag unrhyw sylwadau penodol ar y Cynllun Gwastraff Rhanbarthol a'r Arolwg.
Os ydych angen gwybodaeth bellach ar Gynllun Gwastraff Rhanbarthol Gogledd Cymru a'r Arolwg, medrwch gysylltu â'r canlynol, yng Nghyngor Sir Ddinbych, yr awdurdod cydlynu:
Jonathan Cawley - Cydlynydd Dros Dro Cynllun Gwastraff Rhanbarthol Gogledd Cymru
Martha Savage – Swyddog Technegol Gwastraff
Samantha Davies – Swyddog Gweinyddol
Gellir cysylltu â hwy i gyd ar cynllungwastraff@sirddinbych.gov.uk |
