Elfen bwysig gyntaf yr arolwg fu ymgymryd ag arolwg mewn perthynas â chynllunio gwastraff peryglus mewn ymgynghoriad â Grwpiau Gwastraff Rhanbarthol eraill, er mwyn paratoi a chyhoeddi meini prawf lleoliadol neu bolisïau fel atodiad i'r Cynllun Gwastraff Rhanbarthol a fydd yn arwain cynigion yn y dyfodol ar gyfer cyfleusterau trin a gwaredu gwastraff peryglus.

Mae'r Adroddiad ar Wastraff Peryglus (Rhagfyr 2005) wedi bod yn destun ymgynghoriad cyhoeddus a chyda rhanddeiliaid allweddol ac fe'i cytunwyd gan y Grŵp Aelodau Rhanbarthol. Mae'r adroddiad nawr wedi ei gyflwyno'n ffurfiol i Lywodraeth Cynulliad Cymru.

• Mae'r Adroddiad ei hun yn delio ag anghenion pedwar grŵp o bobl: Comisiwn Ewropeaidd – o ran cyflawni ymrwymiad y DG dan y Cyfarwyddyd Fframwaith Gwastraff a'r Cyfarwyddyd Gwastraff Perylus i sicrhau bod rhwydwaith digonol ac integredig o gyfleusterau gwastraff trwy sefydlu meini prawf lleoliadol ar gyfer cyfleusterau rheoli gwastraff
• Datblygwyr o'r diwydiant rheoli gwastraff – o ran darparu cyfarfwyddyd clir ar bolisïau a threfniadau'r system ar gyfer sicrhau caniatâd cynllunio;
• Aelodau a Swyddogion Awdurdod Lleol – o ran darparu asesiad cywir a chlir ar y materion cynllunio sy'n gysylltiedig ag amrywiaeth eang o gyfleusterau a fedr drin deunyddiau a ystyrir y wastraff peryglus; a'r
• Gymuned Leol – o ran rhoi lefel o hyder mewn perthynas â sut a lle y bydd gwastraff peryglus yn cael ei drin.

Mae'r Adroddiad yn gyntaf yn trafod y cyd-destun ehangach trwy arolygu newidiadau deddfwriaethol sydd wedi bod yn ddiweddar a thrwy gyflwyno a dadansoddi data presennol ar ddeilliannau gwastraff peryglus a chyfleusterau gwastraff peryglus. Yna mae'r Adroddiad yn delio ag anghenion y pedwar grŵp trwy:

• Archwilio ystyriaethau cynllunio defnydd tir ar gyfer yr ystod o gyfleusterau a fedr drin deunyddiau a ystyrir fel gwastraff peryglus;
• Archwilio rheolaethau presennol y system cynllunio defnydd tir a'u goblygiadau a thrwy
• Drafod pob math o gyfleuster gwastraff peryglus yn ei dro, unrhyw newid mewn amgylchiadau ers cyhoeddi'r CGRh ac adnabod y meini prawf lleoliadol priodol ar gyfer pob math o gyfleuster.

Mae adran derfynol yr Adroddiad yn nodi meini prawf lleoliadol generig i holl fathau o gyfleusterau gwastraff.

Os ydych eisiau llwytho'r ffeil ganlynol i lawr bydd angen Acrobat Reader fersiwn 6.0 arnoch. Cliciwch ar y ddelwedd Acrobat Reader i'w llwytho i lawr am ddim.

Adroddiad ar Wastraff Peryglus