Mae’r ffaith eich bod yn pori ar y Wefan hon yn golygu bod diddordeb gennych mewn materion Gwastraff. Mae hynny’n wych, achos rydym am wybod eich barn, pwy bynnag ydych, boed hynny’n un o drigolion Rhanbarth De-orllewin Cymru, yn gynrychiolydd grwp amgylcheddol, yn gynrychiolydd unrhyw grwp cymunedol, yn gynrychiolydd y diwydiant gwastraff, yn fusnes yn y diwydiant gwastraff, neu’n wir yn unrhyw un sydd â diddordeb mewn materion Gwastraff.

Mae’r rhestr o opsiynau ar ochr chwith y dudalen yn rhoi gwybodaeth am ein cynnydd yn y broses o adolygu’r Cynllun Gwastraff i’r Rhanbarth. Fe’ch cynghorir i ddarllen y wybodaeth yn y “Cynnwys” a’r “Cyflwyniad” yn gyntaf, gan y bydd hyn yn eich helpu i ddeall beth rydym yn ei wneud yn well ac ystyr y blychau gwybodaeth eraill.

Ond y wybodaeth bwysicaf oll yw’r “Ymgynghori” a fydd yn mynd â chi at y ffurflen "Adborth". Llenwch y ffurflen ar y sgrîn a rhoi gwybod i ni beth yw eich barn am y Cynllun Gwastraff, yna gwasgwch y botwm i anfon a bydd eich ymateb yn mynd yn uniongyrchol at Gyngor Bwrdeistref Sirol Castell-nedd Port Talbot, yr Awdurdod cydlynu, yn: "wasteplan@neath-porttalbot.gov.uk".

Bydd hynny’n golygu bod eich ymateb yn dod yn un cyhoeddus ac yn ein helpu i lunio’r Cynllun Gwastraff ar gyfer Rhanbarth De-orllewin Cymru.

Diolch am eich diddordeb.

Adran Gynllunio Cyngor Bwrdeistref Sirol Castell-nedd Port Talbot (yr awdurdod cydlynu ar gyfer cynhyrchu Cynllun Gwastraff Rhanbarthol De-orllewin Cymru).